joomla templates GeWorld.ge

ლაითურელი 73 წლის ირაკლი ბოლქვაძე „გურია ნიუსის“ ოზურგეთის განყოფილებაში მივიდა და თავისი გასაჭირის შესახებ გამოცემას ესაუბრა.

„მინდოდა, სააკაშვილს პირადად შევხვედროდი. ვიცოდი, რომ ახალი საავადმყოფოს გახსნაზე ჩამოდიოდა. მივედი, პოლიციამ ალყა შემომარტყა, ახლოს არ მიგიშვებო, არ მიმაცემინეს წერილი. მომატყუეს, გარეთ რომ გამოვა, წერილებს მერე მიიღებსო. მეც დავუჯერე. პრობლემები მაქვს კუთვნილ მიწასთან დაკავშირებით. მინდა მიწის დარეგისტრირება და ვერ ვახერხებ, არადა, საბუთები წესრიგში მაქვს. ჩემი გასაჭირის შესახებაც მეწერა: ავად ვარ და დახმარება მჭირდება. საავადმყოფოდან რომ გამოვიდა სააკაშვილი, არც გაჩერებულა, დაგვიქნია ხელი, კარგად იყავითო და წავიდა. მე წამოვედი, იქნებ, ქალაქში გაჩერდეს სადმე და ვნახო-მეთქი. რესტორან „ქალაქურთან“ იყო გაჩერებული. რა თქმა უნდა, იქვე პოლიციაც იდგა. პოლიციელმა დამინახა წერილი ხელში. მომეციო მითხრა. ვთხოვე, არ მომატყუო და გადაეცი–მეთქი. კიო, მითხრეს და გამომართვეს“,– ამბობს ბოლქვაძე და თავისი გასაჭირის შესახებ განაგრძობს: „სოციალურ დახმარებას ვიღებდი და მომიხსნეს. საოპერაციო ვარ – 1500 ლარი მჭირდება. არც პოლისი მაქვს და არც – ფული. სამი წელი ლოგინად ჩაწოლილი ვიყავი. ოზურგეთის გამგეობაშიც მატყუებენ – ერთი თვეა, დავდივარ და მეუბნებიან, მოგცემთ დახმარებას, დაგეხმარებითო და არაფერი. სოციალური სამსახურის უფროსმა, ვაშალომიძემ არ დამიჯერა ჩემი ავადმყოფობის შესახებ. ვარ ასე, დავდივარ წინ და უკან. 

ლანჩხუთის მუნიციპალიტეტის სოფელ გვიმბალაურის ტერიტორიაზე ჯილეხის შემთხვევა დაფიქსირდა. აღნიშნულიდან გამომდინარე, საქართველოს კანონმდებლობის შესაბამისად, არაკეთილსაიმედო ტერიტორიაზე კარანტინი გამოცხადდა. სურსათის ეროვნული სააგენტო დაავადების კერაში ატარებს იძულებით ვეტერინარულ-სანიტარულ ღონისძიებებს, უფასო ვაქცინაცია უტარდება ჯილეხის ყველა ამთვისებელ ცხოველს.

ჯილეხი (ციმბირული წყლული) ცხოველისა და ადამიანის საერთო განსაკუთრებით საშიში ინფექციური დაავადებაა. დაავადებულ ცხოველს აღენიშნება დეპრესია, მადის დაკარგვა, მაღალი ტემპერატურა, ქოშინი, წყურვილი, კუჭის აშლილობა, ცხვირისა და პირის ღრუდან სისხლიანი ქაფისებური გამონადენი. კარბუნკულური ფორმის დროს ცხელი, მკვრივი, მტკივნეული შეშუპებები. დაცემული ცხოველის ლეში გაბერილია, დამახასიათებელია მუქი შეუდებებელი სისხლდენა ცხვირის ღრუდან და სწორი ნაწლავიდან. ცხოველებში ყველა შემთხვევაში დაავადება სრულდება სიკვდილით. ადამიანებში გვხვდება ფილტვის, ნაწლავის და კანის ფორმა. ფილტვისა და ნაწლავის ფორმა იწვევს ადამიანის რამოდენიმე საათში სიკვდილს. 

ბერბუკის ჩასახლებაში მცხოვრებ დევნილებს ერთი კვირის წინ გაზქურები დაურიგეს. მოსახლეობის ნაწილს, გაზქურების დარიგების ნაცვლად დაობებული სახლის კედლების გაკეთება ურჩევნიათ. ჯერ კიდევ 2008 წელს, შესახლების დროს, მთავრობამ უხრისხო გაზქურები დაახვედრა, რომლის სანაცვლოდ დევნილებმა საკუთარი სახსრებით ახლები შეიძინეს. ახლა ამბობენ, რომ გაზქურების მესამე პარტიის ნაცვლად, სხვა უფრო მნიშვნელოვანი პრობლემები აქვთ. შიდა ქართლის საინფორმაციო ცენტრი დევნილებს ესაუბრა.

დავით ოქროპირიძე: „ჩვენ არ გამოგვიყენებია, რადგან ახლობელმა უკეთესი გვიყიდა, სანამ ესენი გადმოგვცემდნენ. ვერ ვიტყვით, რონ კმაყოფილები ვართ. გაზქურების დარიგებას ჯობდა, სახლის კედლები შეეკეთებინათ, რადგან მთლად სველია და იშლება, სულ ნესტია და დაობებულ სველ საწოლებში გვიწევს დაძინება. ეს სახლები ჭაობიან ადგილზეა აშენებული, პატარაზე ამოთხრი და სულ წყალი ამოდის. ამდენმა ნესტმა დაგვაავადა და სულ წამლების ქვეშ ვართ. ლტოლვილთა და განსახლების მინისტრი იყო ჩამოსული, მაგრამ ჩვენ იქამდე ვინ მიგვიშვა. შარშან გააკეთეს ეს კედლები, მაგრამ ყოველ ზამთარს მაინც ასეთი მდგომარეობაა. გვპირდებიან გაკეთებას, მაგრამ როდის? თავზე რომ დაგვენგრევა სახლი? ზაფხულში დაათვალიერა გამგეობამ სახლები და მოეწონათ, „კარგად არის გაკეთებულიო“. მოიყვანონ თავიანთი ცოლ-შვილი, აცხოვრონ ამ სახლებში და ნახავენ, როგორ კარგადაც არის გაკეთებული“. 

სვანეთის ისტორიულ-ეთნოგრაფიული მუზეუმის ექსპონატებსა და სიწმინდეებთან დაკავშირებით, რომელიც სახელდახელოდ შეკრული კონტეინერებიდან 2011 წლის 2 დეკემბერს გადაიტანეს მესტიის მუსიკალური სკოლის ნესტიან, ნაპრალებიან და დამეწყრილ შენობაში, ნინო მიქიაშვილმა, როგორც ინტერნეტგამოცემა „პრესაგე.ტვ“-სა და მედია-კავშირ „ობიექტივის“ კორესპონდენტმა, თბილისის საქალაქო სასამართლოში საქართველოს ეროვნული მუზეუმის წინააღმდეგ სარჩელი შეიტანა. მის უფლებებს სასამართლოში ადვოკატი მამუკა ნოზაძე დაიცავს.