joomla templates GeWorld.ge

ჟურნალი „ლიბერალი“ აღლუმის შემდეგ გამართული ნადიმის შესახებ ვიდეო და აუდიო მასალას ავრცელებს. ჟურნალისტ ნანა ნასყიდაშვილის სტატიაში აღნიშნულია, რომ პოლიციის დღის აღსანიშნავად გორში გამართული აღლუმის დასკვნითი ნაწილი ტელეკამერების ობიექტებს მიღმა დარჩა.

„ლიბერალმა“ მოიპოვა აღლუმის შემდგომ გამართული ნადიმის აუდიოჩანაწერი და შორიდან გადაღებული ფოტოები. სუფრაზე წარმოთქმულ სადღეგრძელოებს შორის იყო ვანო მერაბიშვილის სადღეგრძელოც. თამადამ შინაგან საქმეთა მინისტრს „თანამედროვეობის ლეგენდა“ უწოდა.

ადოლფ ჰიტლერი „შამანიზმით“, ბნედით და დევნის მანიით იყო დაავადებული. ამის შესახებ საიდუმლო მოხსენება იუწყება, რომელიც ბრიტანეთის დაზვერვისთვის 1942 წელს მოამზადეს. კემბრიჯის უნივერსიტეტის პროფესორმა ჯონ მაკერდიმ ჰიტლერის ფსიქოლოგიური პორტრეტი 1942 წელს რეიხსტაგში გაკეთებული მოხსენების მიხედვით შეადგინა. მას შემდეგ ეს საიდუმლო მოხსენება სოციოლოგ მარკ აბრამსის ოჯახში ინახებოდა. როგორც ჩანს, ბრიტანეთის დაზვერვაში ეს მოხსენება არც კი წაუკითხავთ.