ევროკომისიის ანგარიშის თანახმად, საქართველომ საარჩევნო კოდექსში ზოგიერთი მთავარი რეკომენდაცია არ გაითვალისწინა.
დატოვე კომენტარი
ევროპაში უნდათ, – რეკომენდაციებს არ ითვალისწინებენ!
- ოთხშაბათი, 16 მაისი 2012 15:20
- Hits: 132
ევროკომისიის ანგარიშის თანახმად, საქართველომ საარჩევნო კოდექსში ზოგიერთი მთავარი რეკომენდაცია არ გაითვალისწინა.
საქართველო უმუშევრობის დონით რეგიონში ჩემპიონია
- ოთხშაბათი, 16 მაისი 2012 15:17
- Hits: 143
ევროკავშირის ანგარიშის მიხედვით საქართველოში უმუშევრობის დონე რეგიონში ყველაზე მაღალია. ევროპის სამეზობლო პოლიტიკის განხორციელების შესახებ 2011 წლის ანგარიშის თანახმად, ზუსტი მონაცემები სიღარიბის შესახებ ხელმისაწვდომი არ არის, თუმცა სოციალური სააგენტოს მონაცემებით, სიღარიბის ზღვარს ქვემოთ მოსახლეობის მხოლოდ მესამედი იმყოფება.
პარლამენტი ივანიშვილს საქართველოში ცხოვრების ცენზს უმცირებს
- სამშაბათი, 15 მაისი 2012 11:40
- Hits: 206
ინტერპრესნიუსის ინფორმაციით, საკონსტიტუციო ცვლილებების პროექტით, რომელიც ბიძინა ივანიშვილის არჩევნებში მონაწილეობის უფლებას ეხება, საქართველოში ცხოვრების ცენზი 5 წლამდე შემცირდა.
კონტროლის პალატა ივანიშვილის კომპანიას აკოტრებს
- სამშაბათი, 15 მაისი 2012 11:38
- Hits: 99
კონტროლის პალატის ფინანსური მონიტორინგის სამსახურმა შპს „მენეჯმენტ სერვისი” 5 მილიონ ლარამდე თანხით დააჯარიმა.
კომპანიის დირექტორმა ბესიკ დემეტრაშვილმა განაცხადა: „ეს არის პოლიტიკური გადაწყვეტილება და ბიზნესში უხეში ჩარევა. ჩემი კომპანია გაკოტრების პირასაა, რადგან კონტროლის პალატის მიერ დაწესებული ჯარიმა ჩემს მფლობელობაში არსებულ აქტივებს აღემატება. დაახლოებით 5 მლნ ლარის ოდენობით დაგვაჯარიმეს”.
კომპანიის ადვოკატი ალექსანდრე ბარამიძე კონტროლის პალატის აღნიშნულ გადაწყვეტილებას 10 დღის ვადაში თბილისის საქალაქო სასამართლოში გაასაჩივრებს.
უგულავას 2–3 მილიონი ლარი სჭირდება
- სამშაბათი, 15 მაისი 2012 11:34
- Hits: 69
დღეს თბილისის მთავრობის საგანგებო სხდომა გაიმართა. თბილისის მერის განცხადებით, წყალდიდობის შედეგების აღმოფხვრას დედაქალაქში 2-3 მილიონი ლარი დასჭირდება. ზარალის სრული ოდენობა დადგენილი არ არის.
ძლიერი სეტყვა საგარეჯოს რაიონში
- სამშაბათი, 15 მაისი 2012 11:20
- Hits: 34
საგარეჯოს შემოგარენის სოფელებში – მანავში, თოხლიაურში, პატარძეულსა და ნინოწმინდაში მოსულმა ძლიერმა სეტყვამ ვენახები და ხეხილის ბაღები მთლიანად გაანადგურა. სეტყვა ნახევარ საათს გაგრძელდა, 15 ოჯახს საცხოვრებელი სახლი დაეტბორა.
თბილისში ორი თვითმკვლელობა მოხდა
- ორშაბათი, 14 მაისი 2012 15:05
- Hits: 162
ვაკეში 56 წლის მამაკაცმა ცეცხლსასროლი იარაღით მოიკლა თავი, ხოლო თემქაზე 25 წლის გოგონამ თავი ჩამოიხრჩო.
ერთი ოლიმპიელი ვარსკვლავი ნაცმოში, მეორე – „ქართულ ოცნებაში“
- ორშაბათი, 14 მაისი 2012 14:35
- Hits: 154
სპორტისა და ახალგაზრდულ საქმეთა საპარლამენტო კომიტეტის ხელმძღვანელი, ოლიმპიური ჩემპიონი გიორგი ასანიძე „ქართული ოცნების“ რიგებში შესვლის შესახებ ზურაბ ზვიადაურის განცხადებას გამოეხმაურა და იმედი გამოთქვა, რომ კოალიცია „ქართულ ოცნებაში“ გაერთიანებული ზურაბ ზვიადაური გააზრებულ, ქვეყნისთვის სასიკეთო ნაბიჯებს გადადგამს და საკუთარ იმიჯს არ შელახავს.
ჩამოინგრა სომხური ეკლესია, რომელზეც საპატრიარქოს ორი დღით ადრე ყური არ მიუგდეს!
- ორშაბათი, 14 მაისი 2012 13:21
- Hits: 90
წუხელ თბილისში, ვერცხლის ქუჩაზე სომხური ეკლესია ჩამოინგრა. საგანგებო სიტუაციათა სამსახურის განცხადებით, შენობა ავარიული იყო და ამის შესახებ შესაბამისი სამსახურები ინფორმირებულნი იყვნენ. არსებული ინფორმაციით, ძველი სომხური ეკლესიის ნგრევა თბილისში 13 მაისის ღამით მოსულმა ძლიერმა წვიმამ დააჩქარა. მკითხველისთვის უთუოდ საინტერესო იქნება, რომ ეს სწორედ ის ეკლესიაა, რომლის შესახებაც ინტერრელიგიური ჯგუფის სხდომაზე საქართველოს საპატრიარქოს წარმომადგენლის გაფრთხილებას უკმაყოფილება მოჰყვა. გაფრთხილებიდან ორ დღეში კი ეკლესია მართლაც ჩამოიქცა.
ნატოს სამიტზე გაფართოებაზე მსჯელობას არც აპირებენ
- ორშაბათი, 14 მაისი 2012 12:54
- Hits: 33
რადიო „თავისუფლების“ ინფორმაციით, ნატოს გენერალური მდივანი ანდერს ფოგ რასმუსენი აცხადებს, რომ ჩიკაგოს სამიტი გაფართოების სამიტი არ იქნება. ალიანსის მოახლოებულ სამიტზე ნატო „ძალიან მკაფიოდ“ აღიარებს საქართველოს პროგრესს. ამ საკითხს რასმუსენი შეეხო დღეს, ბრიუსელში რადიო თავისუფლების კორესპონდენტთან საუბრისას. „ჩიკაგოს სამიტი არ იქნება გაფართოების სამიტი, მაგრამ ჩვენ აუცილებლად ვაღიარებთ პროგრესს, რომელსაც საქართველო აღწევს ბოლო წლებში. ჩვენ ამას ვაღიარებთ სამიტის დეკლარაციაში. ჩვენ საქართველოს წვლილს ვაღიარებთ ძალიან მკაფიოდ. ჩიკაგოში საქართველო მონაწილეობას მიიღებს სამ ძალიან მნიშვნელოვან შეხვედრაში“, – განაცხადა რასმუსენმა. მისი განმარტებით, ერთ-ერთი შეხვედრა, რომელსაც საქართველოს წარმომადგენელი, კერძოდ საგარეო უწყების ხელმძღვანელი დაესწრება, იქნება ნატოში გაწევრიანების ასპირანტი ქვეყნების წარმომადგენელთა შეხვედრა.
წყალდიდობას პატიმრებიც ემსხვერპლნენ?
- ორშაბათი, 14 მაისი 2012 12:09
- Hits: 83
თბილისში გავრცელდა ხმა იმის შესახებ, რომ 13 მაისის წყალდიდობას გამოცხადებული 5 ადამიანის გარდა ორთაჭალის მეშვიდე საპყრობილის პატიმრებიც ემსხვერპლნენ. საპყრობილის ე.წ. „ნულოვან“ სართულზე კარცერებია და არავინ იცის, იქ იმყოფებოდნენ თუ არა პატიმრები. თვითმხილველები ამბობენ, რომ ეს არ იყო ადიდებული მტკვარი. წყალმა კრწანისის ხელოვნური ტბებიდან კატერიც კი ჩამოიტანა. წყალი შევარდა მეშვიდე საპყრობილეშიც (შინაგან საქმეთა სამინისტროს ყოფილი შენობა). მის ეზოში მაშველები ნავებით გადაადგილდებოდნენ. ეჭვი კიდევ უფრო გააძლიერა იმან, რომ დაიწყო შენობის დემონტაჟი.
ჟურნალისტები მე–9 არხის დატოვებას აპირებენ
- პარასკევი, 11 მაისი 2012 14:08
- Hits: 663
სააგენტო ჯეონიუსის ინფორმაციით, „მეცხრე არხის“ საცდელი მაუწყებლობით, როგორც ჩანს, ბიძინა ივანიშვილი და მისი პარტიის ელიტა უკმაყოფილოა. „ქართული ოცნება-დემოკრატიული საქართველოს“ ხელმძღვანელმა მანანა კობახიძემ რამდენიმე დღის წინ უკმაყოფილება გამოხატა ტელევიზიის მიერ მისი ინტერვიუს „დაჩეხვის“ გამო.
მოსახლეობის პროტესტი და მერიის უზრდელი მოხელე
- პარასკევი, 11 მაისი 2012 13:57
- Hits: 227
tspress-ის ინფორმაციით, ათ მაისს, ღამით, აღმაშენებლის გამზირის მოსახლეობის ნაწილი ხეების მასობრივად ჩეხვას აპროტესტებდა. ადგილობრივი მცხოვრებლების ინფორმაციით, ღამის განმავლობაში დაალოებით 45 ასწლოვანი ხის მოჭრა იგეგმებოდა. მერიის წარმომადგენელმა აღმაშენებლის გამზირზე ხეების ჩეხვის გამო შეკრებილ მოსახლეობასა და ჟურნალისტებს უცენზურო ჟესტით მიმართა.
ფილიპ გორდონი: საქართველოს ნატოში შესვლა უახლოეს მომავალში არ მოხდება
- პარასკევი, 11 მაისი 2012 13:46
- Hits: 130
„ამერიკა არ არის მზად, ისაუბროს საქართველოს მზადყოფნაზე ნატოში შესასვლელად, თუმცა, მზად არის, დახმარება განაგრძოს იმ მოთხოვნების შესასრულებლად რომლებიც საქართველოს ალიანსში გასაწევრიანებლად დაეხმარება,“ - განაცხადა 10 მაისს სენატის საერთაშორისო კომიტეტის სხდომაზე აშშ–ის სახელმწიფო მდივნის მოადგილემ ევროპისა და ევრაზიის საკითხებში ფილიპ გორდონმა.
ამერიკაში უკვე დაისვა კითხვა – რის ხარჯზე შენდება საქართველო?
- პარასკევი, 11 მაისი 2012 13:25
- Hits: 158
გამოცემა New York Times–მა გამოაქვეყნა ჰელი სვიზლენდ ედვარდის სტატია სათაურით „საქართველოს კონსტრუქცია“, რომელშიც ავტორი ოთხი ადგილობრივი არასამთავრობო ორგანიზაციის მიერ მომზადებულ დასკვნაზე დაყრდნობით საქართველოს ტურისტულ ზონებში მესაკუთრეებისთვის ქონების ჩამორთმევის ფაქტებს აანალიზებს.
ნაცმოძრაობამ პენსიონერებს და უმწეოებს წინასაარჩევნო ამნისტია გამოუცხადა
- პარასკევი, 11 მაისი 2012 12:41
- Hits: 53
სოციალურად დაუცველი პირები და ასაკით პენსიონერები უბილეთოდ მგზავრობისთვის, ელექტროენერგიისა და ბუნებრივი აირის უკანონოდ მოხმარებისთვის ჯარიმებისგან გათავისუფლებიან. წინასაარჩევნო ამნისტია პარლამენტში უკვე ინიცირებულია. ამნისტია ერთჯერადი იქნება.
ხელისუფლებამ საარჩევნო წელს მოსახლეობის აღწერაზე უარი თქვა
- ხუთშაბათი, 10 მაისი 2012 13:01
- Hits: 74
საქართველოს მთავრობის 30 აპრილის #157 დადგენილების საფუძველზე შეიქმნა მოსახლეობის აღწერის საკოორდინაციო სამთავრობო კომისია. დღეს კი საქსტატმა გაავრცელა ინფორმაცია, რომ მოსახლეობის აღწერის საკოორდინაციო სამთავრობო კომისია უახლოეს მომავალში იმისთვის შეიკრიბება, რომ მოსახლეობის საყოველთაო აღწერის ჩატარების ზუსტი თარიღი დაადგინოს. საარჩევნო წელს რომ მოსახლეობის აღწერას აღარ აპირებენ, ეს საქსტატის განცხადებიდანაც ჩანს.
ქართული ბარბაროსობას მთელი მსოფლიო აპროტესტებს
- ხუთშაბათი, 10 მაისი 2012 12:51
- Hits: 140
ამერიკელმა ბლოგერმა გამოააშკარავა, რომ ქართული „ტურისტული“ კომპანიები ლას ვეგასში პრეზენტაციებს აწყობენ და ამერიკელებს საქართველოში ჯიხვების, ასევე გადაშენების პირას მყოფი მურა დათვების და კავკასიური როჭოების დახოცვის სერვისს სთავაზობენ. სააგენტო მედია–ნიუსის ინფორმაციით, ლინ ჰამილტონმა ინტერნეტში განათავსა პეტიცია, რომელიც საქართველოში გადაშენების პირას მყოფ ცხოველთა სახეობების დაცვას ითვალისწინებს. პეტიციას ქსელში უკვე 16 ათას 804 ხელმომწერი ჰყავს.
ქართველი ემიგრანტი საბერძნეთში ჩამოხრჩობილი იპოვეს
- ხუთშაბათი, 10 მაისი 2012 12:41
- Hits: 69
სააგენტო ჯი–ეიჩ–ენის ინფორმაციით, ათენში საქართველოს მოქალაქე გიორგი ხუცურაული საკუთარ სახლში ჩამოხრჩობილი იპოვეს. ბერძენმა სამართალდამცავებმა საქმე სუიციდის ფაქტზე აღძრეს. ხუცურაული საბერძნეთში სამუშაოდ ექვსი თვის წინ წავიდა.
ცხედარს ამ დროისათვის ექსპერტიზა უტარდება. რა გახდა ახალგაზრდა მამაკაცის გარდაცვალების მიზეზი, ამას ბერძენი სამართალდამცავები გაარკვევენ.
კომპიუტერული ცოდნა წერა–კითხვის ნაცვლად
- ხუთშაბათი, 10 მაისი 2012 12:37
- Hits: 40
ყვარელში, ილია ჭავჭავაძის სახლ-მუზეუმში დღეს „კომპიუტერის ცოდნის გამავრცელებელი საზოგადოების“ დაფუძნების შესახებ დოკუმენტი გაფორმდება. საზოგადოების დაფუძნებას საზოგადო მოღვაწეები, საქართველოს საკანონმდებლო და აღმასრულებელი ხელისუფლების, აგრეთვე ბიზნესწრეების და არასამთავრობო ორგანიზაციების წარმომადგენლები დაესწრებიან. გაიმართება სპეციალური თეატრალური წარმოდგენა. ამგვარად, 1879 წელს ილია ჭავჭავაძის, მიერ დაფუძნებული „ქართველთა შორის წერა-კითხვის გამავრცელებელი საზოგადოების“ სანაცვლოდ ახალი განმანათლებლები „კომპიუტერულ ცოდნაზე“ აკეთებენ აქცენტს.
გორის რეაბილიტაციას „მოქალაქეთა კავშირი“ ახორციელებს
- სამშაბათი, 08 მაისი 2012 14:08
- Hits: 138
საქართველოს პრეზიდენტი მიხეილ სააკაშვილი გორის „სიღნაღიზაციის“ დათვალიერების დროს სამშენებლო კომპანია „ტრესტი #3“-ის ხელმძღვანელს ვახტანგ ყანჩაველს შეხვდა. მისი თანხლებით სამუშაოები დაათვალიერა და მომავალ აღმშენებლობაზე ისაუბრა.
